هاجم الكاتب والسيناريست المصري مدحت العدل، الممثل المصري يوسف الشريف، واصفاً إياه بـ"المنافق"، بسبب تصريحه عن رفض ملامسة الممثلات وإشتراطه ذلك في العقود التي يوقعها.
وقال العدل خلال مداخلة هاتفية مع الإعلامية المصرية لميس الحديدي، في برنامج "القاهرة الآن"، عبر قناة "الحدث": "هناك ناس ينافقوا التيار السائد فيبان مؤدب ولطيف والله أعلم بيعمل إيه برة الفن وأنا معنديش مشكلة أن ده يبقى بينك وبين نفسك أنت حر مع أن ده قلة موهبة".
وأضاف: "أنت بتنقذ واحدة من قدام عربية هتنقذها إزاي بالريموت كنترول يعني ولا هتمسكها فأنت راجل جزء من عملية إبداعية".
وتابع العدل: "حضرتك قررت أنك تمثل من غير ما تلمس ست.. أنت حر طالما المنتج والمخرج قبلوا لكن لما تطلع تقول كده يبقى بتدين بشكل ضمني الممثل زميلك اللي هيعمل الدور ويمسك الست ويبقى حضرتك بتقول أنا بطل وأنا أخلاقي واللي بيمسك ممثلة بتمثل دور أمه وبيحضنها لأنه جاي من السفر يبقى مش محترم".
